9/04/2004

Mamma og pabbi eru að horfa á einhverja hollywood spennumynd um hákarla-neðansjávarstöð. Það eru svakaleg læti og öskur sem koma úr sjónvarpinu og greinilega mikið um hákarla. En þetta er stikkprufa af því sem þau hafa verið að segja yfir myndinni: Mamma. ''Skaut hann í lærið á HONUM?'' Pabbi: ''Þetta er bara Gunnar á Hlíðarenda!'' ... Pabbi: ''Það má nú segja.'' Mamma: ''Af hverju sleppir hún honum ekki?'' Pabbi: ''Nú það er aldeilis. Það er aldeilis bomba!'' Mamma: ''Ja þeir hafa bara fengið hark af hrefnukjöti hefðu þeir verið með þessa byssu.'' Pabbi: ''Eða hákarl.'' Mamma: ''Ekkert veikindalegur, búið að éta af honum löppina!'' Svona er lífið skrítið.

9/02/2004

Látið mig vera vondu hugsanir! Í dag vökvaði ég steinahrúgu og renndi svo yfir hana með svokallaðri jarðvegsþjöppu. Síðan sagaði ég hleðslugrjót í tvennt með sög sem bjó til mikinn hávaða og útúr þessu fékk ég mikið steypuryk í nefslímið. Þetta voru þau fjölbreyttu verk sem ég fékk, en síðan tók við hljólböruakstur. Hjólbaran mátti eiga það, að hún var óvenju stór og voldug og gat tekið nokkuð góðan hól af svörtum sandi upp í sig. Ég hafði strunsað fram og tilbaka nógu oft til að gera kött ringlaðan þegar loks dró til tíðinda. Eitt böruhlassið átti að gjörasvovel að enda í nokkurskonar gangi sem lá upp að útidyrahurð hússins sem ég var að vinna við. Ég veitti umhverfinu litla athygli þar sem mér drepleiddist svona yfirhöfuð. Hinsvegar höfðu dimmir skýjabakkar nýskeð komið yfir himininn og birtan því orðin nokkuð óljósari og liggur við skuggar í þessu fordyri. Ég var alveg við það að lyfta börunni upp og sturta úr henni, þegar ég sá framundan mér pínkulitla stelpuhnátu, skelkaða með tvo bleika Barbieland-kassa í fanginu. Þó kassarnir hafi hvor um sig varla verið stærri en mjólkurferna þurfti hún að hafa sig alla við að lofta þeim. Hún stóð innikróuð bakvið börurnar og horfði til mín eins og ég væri tröllið Gilitrutt, svo ég ákvað að segja ''hæ''. En það var stífla í hálsinum á mér, svo hæ-ið hljómaði hálf grimmt og perralega. Hún varð jafnvel enn hræddari við þennan ljóta skeggjaða mann með hjólbörur, sem úr hennar sjónarhorni hafa örugglega litið út eins og framstefni á brúttótogara. Í gegnum huga minn flaug sú hugsun að sturta sandhrúgunni yfir þetta kríli. Svo stóðum við þarna í þrjár sekúndur. Þá ákvað ég að sturta úr börunni fyrir framan tærnar á henni og strunsa tilbaka. Bakvið hornið voru svo foreldrar hennar á leiðinni úr bílnum, og mér fannst þau vera á einhvern hátt áhyggjufull á svipinn. Þau hafa sennilega skynjað að dóttir þeirra var í hættu stödd.

8/30/2004

Heyrðu. Ég hef undanfarið verið að vinna með skóflu úti í garði, og stundum hef ég séð orma. Ormar eru svo miklir fávitar. Ég veit að ormar eru yfirleitt út um allt, nema þegar maður ætlar að finna þá. En hvenær vill maður finna orma? Nú þegar maður ætlar að veiða fisk! Ég ákvað því að safna öllum ormunum í dollu og geyma þá til seinni tíma. Svolítið eins og Salómon konungur. Ég setti þá alla í seríosskál með smá mold og grasi. Að lokum var fullt af feitum ormum sem söfnuðust allir í eina kös í botninum. Það var ógeð, slímugir bleikir ormar sem eru náttúrulega ekkert nema svín pödduheimsins og minna helst á feita glansandi bissnissmenn. En næsta dag, þá ætlaði ég að kíkja oní skálina, en þeir voru allir stroknir! Helvítis ormarnir. Ég sé þessa þrjóta alveg fyrir mér að klifra yfir skálarbarminn og mjaka sér frjálsir ofaní moldina. Ef ég næ þeim einhverntíman upp aftur þá mun ég sko búta þá í litla bita. En þar sem það er ekki nóg þá ætla ég að stinga þeim upp í munninn og smjatta á þeim því ég hata orma sem skorast undan ábyrgð. Svo vil ég kvarta andskotinn hafi það meira. Ég var að skoða einkamal.is og sumar stelpurnar sem eru 18-19 ára gamlar segja eitthvað eins og '' hæ eg er ung og gröð svara ekki eldri en 23 þannig ekki eyða timanum ykkar i rugl þið farið bara i ruslið strax en er til i sex og ekkert annað þa helst nuna strax er alltaf a lausu i það sendið linu kveðja by the way eg er grönn vel vaxin alltaf gröð stor brjost sem eru alltaf stinn og er rökuð lovjú :* ''. Ég er alveg orðlaus að það séu til svona stelpur sem hugsa ekki um afleiðingarnar og eru alveg lausar við komplexa. Stelpa sem ber enga virðingu fyrir sjálfri sér né guði og óttast ekki hreinsunareldinn! Manneskja sem vill glöð opna buxnaklaufar, aðeins þeirra sem eru yngri en 24ra. Ég meina hvað er að þessum vitleysingum? Mér finnst þetta bara mjög ósanngjarnt og sexí og finn fyrir mismunun. Ef þú ert gröð stelpa og passar við þessa lýsingu sem hin stúlkan gaf á sér, viltu þá vera svo væn elsku dúfan mín að senda mér tölvupóst. En ef þú ert Gaui eða systir mín eða eldri en 20 ára þá skaltu bara sleppa því, þú ferð beint í ruslið.

Bloggsafn