9/23/2004

Það eru tveir hundar á heimilinu. Hera kerlingin og svo lítill vælukjói sem heitir Beta. ollo9oi. Úbs. Þessi stafsetningavitleysa ''ollogoi'' var skrifuð af Heru, því hún stakk hausnum sínum upp á takkaborðið í einhverjum æ- æsingi. Ég veit ekki af hverju þær eru svona æstar báðar, ég sit með fartölvuna í kjöltu mér í algjöru myrkri. Af og til stingst hundshaus út úr myrkrinu í birtuna frá skjánum. Oddmjó snoppa með glitrandi augu ofaná lýsist upp, hún vælir og vill klapp. Snoppan hverfur til baka. Svo birtist Hera með svarta skoltinn sinn og dregur andann eins og perri,''hhhuhhh huhhhh huhhh'' segir hún. Svo sleikja þær á mér puttana, hlaupa hring í kringum stofuborðið og endurtaka leikinn. Hvaðan kemur þessi óþreyja? Best að athuga hvað þær vilja... Hera vildi fara út, en svo fór hún bara út en kúkaði hvorki né pissaði. Hvað á þetta að þýða alltsaman. Ollogoi? Þar sem ég er nú í tungumálanámi, kann ég nokkuð fyrir mér í gotnesku og veit að hundamál og forníslenska eiga sömu langalangömmuna sem er Indó-anatólíska. Ég get ég skilið O-llo-goi sem er forsk.-rót-merkingarending. Það útleggst á gotnesku ''Piþrinkur bhoþsa apbælam Sinteinan'' sem þýðir þá ''Ég Hera frá Túnhöfða hef fiðring í bossa til afmælis Linnetar''. Heyrðu já. Steinn Linnet á afmæli í dag. Gaggalagó! Vei!!

9/21/2004

Og ég sem hélt að ekkert gæti sjokkerað mig í gegnum tölvu eða sjónvarpsskjá. Yfirleitt verð ég fúll yfir antiklímaxinum sem fréttamenn skapa gjarnan með því að segja ''eftirfarandi frétt getur vakið viðkvæmum óhug'' því það sem kemur svo er í mesta lagi örskotsmynd af dauðu barni úti í vegakanti eða grátandi konum í svörtum kjólum. Maður þekkir þetta fólk svosum ekki neitt og nær réttsvo að sveia áður en næsta frétt tekur við. Setning ein:''1.000 bandarískir hermenn hafa látið lífið í Írak síðan "stríðinu lauk". 13.000 heimamenn hafa fallið.'' hafði þau áhrif á mig að ég hugsaði ''hmmm. 13.000 þúsund. Það er nú ekki svooo mikið, allavega ekki miðað við...'' lengra náðu þankagangar mínir ekki. Bíómyndir sem sýna allskyns hrylling hafa náttúrulega einhver stundaráhrif á mann, sem gleymast samt fljótlega. Bíómyndir eru líka bara plat og í raun óþolandi hneysa að sumar þeirra skuli kalla fram tár í augum fólks. Já elskan mín. Svo situr maður bara í kjallaranum sínum eða háaloftinu og lætur sér leiðast á fróni. Það er allt eitthvað svo tilbreytingarsnautt og litlaust hérna, það er svo niðurdrepandi að búa á Íslandi. Ekkert að gerast nema fara í bíó, maður verður leiður á því að fara alltaf í sömu bíltúrana fram og tilbaka og á endanum verða allir bara þunglyndir afþví það er allt svo auðvelt. Kannski er námið eða vinnan ekki svo skemmtileg og fólkið leiðinlegt. Já ég á betra skilið, ég fyrirlít íslenska millistéttarlífið og ríkisstjórn Íslands sem er spillt og byggir Kárahnjúkavirkjanir og gefur ekki kennurum ærleg laun. BANANALÝÐVELDI! ...og það er líka hluti af leiðindunum. Jæja, ætli maður hafi ekki bara rambað inná frétt á mbl.is. Ótrúlegt að stærsta dagblað Íslands skuli ekki kunna stafsetningu! Það er búið að taka af lífi einhvern kana og mynda herlegheitin. „Breska ríkisstjórnin fordæmir algerlega mannrán og morð á saklausum borgurum'' sagði einhver í kjölfarið. Eftir mbl.is lesningu er gott að fara á murinn.is til að lesa um hræsni stjórnvalda, og svo er gott að fara á andriki.is til að fá mótvægi við murnum.is. Svo er gott að fara á aljazeera til að skilja þessa morðóðu araba aðeins. En helvítis myndbandið var ekki sýnt. Mér tókst hinsvegar að finna það, þetta er víst það allra vinsælasta í dag, á hvers manns tölvu. Svo sá ég þetta. Fyrst las einhver gaur upp af blaðsnifsi yfir hausamótunum á þessum viðkunnanlega Amríkana með skeggið. Svo lögðu þeir hann á hliðina og byrjuðu að sarga af honum hausinn með rýting, varla stærri en flökunarhníf og ekki voru handtökin framkvæmd af neinum viðvaning né amlóða í þeim bransa. Skiljanlega öskraði Amríkaninn og mér fannst eins og öskrið gæfi til kynna að hann hugsaði ''þetta er ekki að gerast, það getur ekki verið''. Ég hef fundið fyrir svoleiðis tilfinningu, aðallega í draumum þegar eitthvað er of vont til að vera satt. Þetta myndband virtist ekki vera tekið upp í draumi og eftir því sem þeir skáru lengra inn í hálsinn á honum og blóðið datt út varð öskrið eins og úr svíni. Grey maðurinn var eins og göltur að hrína sitt alseinasta hrín. Þegar svartklæddu fúlmennin höfðu skorið hálsinn alveg upp að beinunum sem liggja aftast í hnakkanum hélt sjálfur búkurinn (að ég held) áfram að öskra upp úr hálsinum, bara beint uppúr. Það hefur kannski verið eins og öskur úr reykingamanni, sem þarf allajafna að tala í ropum út um gat í barkanum þú veist. Að lokum stilltu þeir höfðinu upp á bak þess afhausaða. Í sjálfu sér er það ekki sem verst því skv. gamalli íslenskri trú er það gert svo dauða manneskjan fyndi ekki höfuð sitt og gengi aftur. 1001 Amríkani dauður, 13.000 Írakar. Hvernig á maður svosum að skilja stríð, ef maður hefur aldrey upplifað það sjálfur? Ég ætti kannski að margfalda það sjokk sem ég varð fyrir við að sjá þetta myndband með 14.001 og reyna þannig að finna fyrir eymd? Ég veit ekki hvað eymd er. Ég hef því miður bara ekki tilfinningu fyrir því hversu mikið 14.001 mannslíf eru frekar en ég veit hversu löng 14.001 ár eru. Fyrir Íslending er jafnvel svengd forboðin tilfinning. Svo er ég viss um að ef ég hefði upplifað þetta í eigin persónu, hefði ég ekki orðið fyrir sjokki heldur áfalli. Betra er jú sjokk en áfall. Það er enginn sem fær sjokkahjálp. Eftir fyrsta áhorf greip ég um hausinn á mér og gat ekki trúað þessu. Eftir um 2 mínútur hugsaði ég ''aldrey koma hingað helvítis Arabar. Og fariði líka burt Ameríkanar. Burt með ykkar geðsýki og látið okkur vera''. Fyrst ég sá þetta einusinni fannst mér röklegt að sjá það á ný. Ég ýtti aftur á play-takkann eftir smá umhugsun. Þá var auðveldara að horfa á þetta. Í þriðja skiptið var ég farinn að höndla þetta aðeins betur og orðinn meðvitaðri um tilvist mína í litlum kjallara uppí Breyðholti. Mig langar að kaupa mér pizzu og fá mér sígó á eftir. Og nota öryggisbeltið í polo bíl systur minnar. Mikið er ég heppinn að þurfa ekki að taka strætó, mamma og pabbi eiga líka sitthvorn bílinn. Fjölskyldan mín er mamma og pabbi + þrjú börn. Mamma er frá Vestfjörðum og pabbi var peyji í Vestmannaeyjum. Við erum Íslendingar. Við eigum að vera á Íslandi, því er leiðinlegt að vita um grey Íslendingana sem við sendum til Írak. Þeir ganga núna um í hermannabúningum með byssu á sér og halda að þeir séu ekki hermenn. Ég verð að muna að slengja einhverntíman delanum mínum framan í Halldór Ásgrímsson og detta svo óvart með typpið upp í munninn á Davíð Oddsyni og spræna í kok hans. Minna má það nú ekki vera. PS. ef þig langar að skoða myndbandið.

Bloggsafn